TXIK TXAK : qu'es aquò ?
Entà estar mei comòde, d’ara enlà qu’es dab TXIK TXAK que’ns mudam au País Basco sancèr e au sud de la Lanas, shens nat limit.
Enveja d’estremar un chic l’auto ? Vam, que’ns cambiam las faiçons de har e que gaham lo navèth reflèx TXIK TXAK per la vita vitanta !
Mei economic
Dab TXIK TXAK, qu’avem fin finau ua solucion entà’s har baishar lo budget transpòrt dab ua garba de prètz solidaris entà tot lo monde. Fòrt de linhas que’ns miaràn autanlèu lo 4 de julhet pertot suu parçan, a comptar de 0,96 € per viatge, quina que sii la distància e tanben dab ua correspondéncia !
Mei ecologic
Lo nòste parçan, que ns’agrada e que n’avem suenh. Alavetz, quan partatjam los viatges dab TXIK TXAK, que ns’estauviam lo ben comun e amassas que hèm mudar las linhas !
Mei simple
TXIK TXAK que’vs permet d’anar capvath lo País Basco sancèr e lo sud de las Lanas, dab un bilhet e sonque. D’on que pàrtitz, on qu’ànitz, qu’i a per segur un estanc TXIK TXAK au ras !
Mei de vagar entà profieitar !
Fenit de pèrder temps en auto ! Dab TXIK TXAK, que’ns podem enfin acabar los corrics o la seria, pausà’ns o batalar tot simplament. Que’ns mia on ac volem, quan ac volem, a plaser.
E autament, çò qué vòu díser “TXIK TXAK” ?
“TXIK TXAK” qu’es ua expression emplegada peus pelotaris.
Qu’es ua onomatopèa qui’s poiré arrevirar en « lo brut que hè la pelòta quan truca lo sòu, arrebombish contra ua paret e torna trucar lo sòu ».
La marca TXIK TXAK qu’es vaduda de la volontat deu Sindicat de las Mobilitats País Basco Ador de har l’accès a las mobilitats duradissas deu parçan mei comòde entà tot lo monde, en amassant tots los hialats de transpòrt deu territòri (sii Chronoplus, Hegobus, Car Express, Proxibus) en ua auhèrta e sonque.
