PARTATGEM LOS VIATGES ENTÀ CONSUMIR MENSH !
Bus, Tram’bus, cars interurbans o navetas gratuitas : dab los transpòrts en comun TXIK TXAK, que’ns mautam amassas de faiçon mei practica, mei economica e sustot mei ecologica. Quin que siin las nòstas envejas e los nòstes besonhs, que i a per segur ua solucion TXIK TXAK qui va. Prèst entà’s cambiar las acostumas ? Que prenem navèths reflèxes dab TXIK TXAK en la vita vitanta.
Mei economic
Dab TXIK TXAK, qu’avem fin finau ua solucion entà har baishar lo budget transpòrt dab ua garba de petits prètz. Despuish lo 4 de julhet fòrt de linhas que’ns mian pertot capvath lo parçan, a comptar de 0,96€ lo viatge, quina que sii la distància e tanben dab ua correspondéncia !
Mei ecologic
Lo parçan, que ns’agrada e que’u cau suenhar. Lavetz, e partatgèssim los viatges entà ns’estauviar lo ben comun ? Dab TXIK TXAK, amassas que hèm cambiar las linhas.
Mei de temps
Fenit de’s pèrder temps dens l’auto ! Dab los transpòrts en comun TXIK TXAK, que’ns podem enfin acabar los corrics o la seria, pausà’s o batalar hèra simplament. Que’vs miam on ac voletz, quan ac voletz, a plaser.
Mei de proximitat
TXIK TXAK que’vs permet d’anar capvath lo País Basco sancèr e lo sud de las Lanas, dab un bilhet e sonque. D’on que pàrtitz, on qu’ànitz, be i a un estanc TXIK TXAK au ras !
Lo bus
Entaus bus TXIK TXAK, que son un trentenat de linhas urbanas qui’vs permeten de circular aisidament, entà tot viatge de la vita vitanta. Los bus TXIK TXAK que vs’acompanhan au mei près deus lòcs, entau tribalh, har espòrt, crompas o anar au cinèma.
Qu’avetz oraris constrenhents ? Linhas que circulan autanlèu 6h e dinc a 2h deu matin !
Lo Tram'bus
Lo Tram’bus TXIK TXAK, que son duas linhas ultra modèrnas, 100% electricas e confortablas, entà’s mudar de faiçon mei rapida e mei ecologica.
La linha T1 que junta Biàrritz e Baiona en mensh de 30 minutas.
La linha T2 que liga lo sud de las Lanas au còr de vila de Baiona dab lo Parcatge Relais P+R de Tarnòs entà facilitar lo parcatge.
Presas USB devath cada sièti entà’s cargar las amaniglas electronicas.
Las navetas a gratís
Besonh de’s mudar per Baiona o Biàrritz ?
6 linhas en ivèrn e 10 en estiu.
100% electricas entà un desplaçament ecologic peu còr de vila.
Las linhas interurbanas
Au País Basco, las nòstas linhas interurbanas desservidas per cars tot confòrt entaus viatges de tot jorn o entà explorar navèths paisatges.
Wifi a bòrd, presas USB e premsa digitau disponiblas en mantrua linha.
