Coveituratge TXIK TXAK : pro de las despensas, partatgem los viatges !
TXIK TXAK que facilita lo coveituratge au País Basco e au Sud de las Lanas en associacion dab las platafòrmas Blablacar Daily e Karos. Las auhèrtas de coveituratge deus 2 operators que son amassadas suu calculator d’itinerari TXIK TXAK : pas mei besonh d’espiar mantrun site entà trobar l’anóncia qui’m va !
BONA IDEA !
TXIK TXAK que torna dinc a 150€ per mes aus miadors e que balha la gratuitat entaus passatgèrs.
Qu’es lo còp o jamés de s’aviar !
Aqueth dispositiu que’s pòt acomolar dab lo bònus de 100€ balhat deu 1èr de genèr de 2023 enlà aus navèths coveituraires.
Dispositiu d’incitacion perpausat dab la participacion financèra de l’Estat au títol deu Fonds vert – France nation verte
Quin profieitar de l'auh èrta coveituratge TXIK TXAK ?
Que soi miador
- Se n’es pas enqüèra hèit, que’m hèsqui un compte sus la o las platafòrma(s) associada(s) de coveituratge qui’m va(n) : Blablacar Daily, Karos.
- Entà cada viatge, TXIK TXAK que’m torna 2€ per passatgèr a comptar de 5km en la hita de 20 km, puish 0,1€ per km a comptar deu 21au km (dinc a 30 km).
- Las despensas que son dirèctament remborsadas per la platafòrma qui èi causida entà realizar lo coveituratge. Dinc a 150€ per mes !
Que soi passatgèr
- Qu’espii au motor d’itineraris deu site entà estar segur de trobar, en ua uelhada, l’anóncia de coveituratge qui’m va en las 2 platafòrmas associadas : Blablacar Daily, Karos.
- Que preni ua anóncia e que viri de cap a l’ua de las platafòrmas de coveituratge associadas.
- Après n’èi pas mei arren a har ! Tot viatge suu parçan de TXIK TXAK qu’es automaticament gratuit.
