Dab TXIK TXAK e AUPA Citiz, que m’i hèi entà mudar en bus e a còps en auto a mendre còst au País Basco e au sud de las Lanas.
La cooperativa AUPA que hornish veïcules de talhas desparièras qui’s pòden reservar 24h/24 per 1h, 1 jornada e mei se hè besonh ! Las autos que’s desvarrolhan per la carrèra, de la lor plaça ençà, dirèctament dab lo telefonet. E entau carburant ? Tot qu’es previst. La carta carburant qu’es hornida dens l’auto entà poder har essença shens nat còst mei. Las còstas de carburant que son compresa au prètz de la locacion.
Pas nada maishanta suspresa : qu’es simple e mei economic que d’aver la soa auto pròpia.
Lavetz ? Prèst·a a v’aviar ? Aupa !
On trobar las autos AUPA ?
6 autos que son despartidas sus 5 plaças pròpias per las comunas de Biàrritz, Anglet e Baiona :
Biàrritz – 5 avienuda Louis Barthou
Anglet – 3 arrua deu 8 de mai de 1945 e 56 avienuda de Baiona
Baiona – 1 avienuda Manescau Leclerc e 7 arrua Senta Ursula
Las estapas entà m'inscríver e reservar l’auto
- Estapa 1 : Que m’inscrivi au site web o l’aplicacion Citiz
- Estapa 2 : Que resèrvi ua auto entà la durada causida (1h, 1 jorn o mei)
- Estapa 3 : Que desvarrolhi las pòrtas deu veïcule dab l’aplicacion
- Estapa 4 : Que hèi l’estat deus lòcs dab l’aplicacion e qu’arrecapti la clau
- Estapa 5 : Que’m mudi dab l’auto AUPA e que’m guaiti la clau a cada estanc
- Estapa 6 : Au cap de la reservacion, que torni plan solide l’auto a la plaça de partença
- Estapa 7 : Que clavi las portèras dab l’aplicacion
Ua auhèrta a despart entaus abonats annaus TXIK TXAK
Com abonat TXIK TXAK, qu’èi dret a un present deus bèths entà ensajar lo servici AUPA. Las còstas d’inscripcion e un crèdit de 20€ que’m son aufrits ! E entà acabar tot aquò, l’abonament qu’es a gratís los 3 permèrs mes ! Au cap d’aqueths 3 mes, que poish causir de contunhar dab la formula abonament o passar a la formula shens abonament, l’equipa AUPA que serà disponibla entà m’acompanhar se hè besonh. Lavetz, i vam ?
Entà beneficiar d’aquera auhèrta, qu’envii la fòto de la mea carta d’abonat TXIK TXAK dab l’aplicacion Citiz au moment de l’inscripcion. Entà’n saber mei, rendètz-vos suu site web AUPA Citiz e suus hialats sociaus AUPA.
Entà contactar AUPA Citiz
Telefòne : 09 83 61 91 44
Corric : aupa@citiz.fr
Que’m poish interessar l’autopartatge se :
- Qu’emplegui sovent lo hialat TXIK TXAK, lo velò, la marcha a pè, mes a còps que’m hèi hrèita ua auto ;
- Que hèi mensh de 10 000 km per an, que desiri utilizar ua auto sonque quan hè besonh e estar destravat de las cuentas d’aver ua auto pròpia en tot har estauvis ;
- Voi har un agís deus concrèts entà ua mobilitat mei respectuosa de l’environament.