En trin que’ns mudam dab arsec entà anar tribalhar o tanben entà visitar lo País Basco. Que daisham l’auto de costat e que mesclam lo trin dab los bus e los cars TXIK TXAK.
Que'm mudi dab lo trin
Au País Basco, que’ns podem mudar viste de cap au sud, a l’èst o au nòrd dab las linhas qui desservishen lo parçan. Lo trin qu’es fòrt practic entaus viatges de la vita vitanta dab las 3 linhas de TER qui circulan cada jorn de vila en vila.
En tot, 4 linhas que’ns balhan la possibilitat de juntar las destinacions de tot jorn :
- Linha TGV Endaia/París, dab estancs a Sent Joan de Lus, Biàrritz e Baiona
- Linha TER 51 Endaia/Bordèu, dab estancs a Sent Joan de Lus, Guetari e Biàrritz
- Linha TER 53 Baiona/Pau/Tarba, dab un estanc a Urt
- Linha TER 54 Baiona/Sent Joan deu Pè deu Pòrt, dab mantrun estanc au miei deus quaus Cambó
TXIK TXAK que ns'espèra a la daverada deu trin
De la gara enlà, que pogi au bus TXIK TXAK entà arribar a destinacion. Enveja de juntar los còrs de vila de Baiona, Biàrritz, Endaia o Sent Joan de Lus tot dret de las garas enlà ? Vam haut, au bus !
Lo + : dab l’associacion TXIK TXAK + TER Linha 54
Que mescli d’ara enlà lo trin dab los bus e los cars de TXIK TXAK shens nat limit despuish o de cap a Cambó, Ustàritz, Vilafranca e fòrt d’autas garas d’aquera linha.
